خوښ ديک ۰

چین ولسمشر افغانستان سولې پروسه کې همکاري لپاره پاکستان هڅولو ډاډ ورکړي

د چین ولسمشر د افغانستان د سولې په پروسه کې د پاکستان همکاري مهمه بللې او ډاډ یې ورکړی چې چین په افغانستان کې د افغانانو په مشرۍ او مالکیت او د ټولو اړخونو په ګډون د سولې د پروسې ملاتړ کوي.
چین ولسمشر افغانستان سولې پروسه کې همکاري لپاره پاکستان هڅولو ډاډ ورکړي

ارګ په یوه خبرپاڼه کې وايي، شي جین پېنګ له ولسمشر اشرف غني سره په کتنه کې ژمنه کړې ده چې پېکېنګ به اسلام‌اباد د افغانستان د سولې له پروسې سره همکارۍ ته وهڅوي.
دواړو ولسمشرانو پرون د غبرګولي په ۲۳ مه نېټه د قرغزستان په پلازمېنه بشکېک کې سره وکتل.
په خبرپاڼه کې د ولسمشر غني له قوله راغلي دي چې وايي، په افغانستان کې سوله د ټولې سیمې په ګټه ده او له طالبانو سره د خبرو لپاره د سیمه‌ییزې اجماع په رامنځته کولو کې د چین رول مهم دی.
طالبانو تردې دمه له افغان حکومت سره خبرې رد کړي دي.
دا لومړی ځل نه‌دی چې چین په افغانستان کې د سولې له هڅو څخه ملاتړ اعلانوي او په‌دې برخه کې د پاکستان د همکارۍ پر اړتیا ټینګار کوي.
 
جمعه ۲۴ جوزا ۱۳۹۸ ساعت ۱۰:۱۹
د مطلب کود: 186687 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *