خوښ ديک ۰

لویې څارنوالۍ د ټاکنو پخوانیو کمشنرانو ته پېنځه کلن بند غوښتی

د ولسي جرګې د تېرو لانجمنو ټاکنو تر ټولو ستره دوسیه د بدخشان ولایت د ټاکنو په پایلو کې د لاسوهنې ده، چې د ټاکنو د دواړو کمیسیونونو کمیشنران پرې تورن دي.
لویې څارنوالۍ د ټاکنو پخوانیو کمشنرانو ته پېنځه کلن بند غوښتی


آریانا نیوز ته رسیدلي سندونه ښيي، چې لویې څارنوالۍ د ټاکنیزو کمیسیونونو پخوانیوغړیو او د دالانشا او تکنالوژۍ ريیسانو ته پېنځه – پېنځه کاله بند غوښتی دی.
د تورنو کسانو دوسیه له فساد سره د مبارزې عدلي او قضايي مرکز او د عامه امنیت محکمې ته استول شوې؛ خو یوې محکمې هم د دغې دوسیې د فیصله کولو مسوولیت ته غاړه نده ایښي.
د لویې څارنوالۍ ویاند جمشید رسولي دا هم څرګنده کړې، چې د ټاکنو خپلواکو کمیسیونونو پخوانیو کمیشنرانو د بدخشان ولایت د ولسي جرګې د ټاکنو لومړۍ پایلې، د وروستیو پایلو په توګه اعلان کړي او اسلام یفتلي او صفی الله مسلم رایې یې ډېرې کړي دي. د همدې قضیې په تور د ټاکنیزو شکایتونو کمیسیون د بدخشان ولایت د ټاکنیزو شکایتونو د کمیسیون د دارالانشا رییس او دوه کمیشنران لویې څارنوالۍ ته معرفي کوي.
هغه زیاته کړې، چې د دغې مصودې او د افغانستان د قوانینو په رڼا کې به د اړوند کمیشنرانو دوسیې سترې محکمې ته ولیږل شي او پایله به یې بیا رسنیزه شي.
تورن کمیشنران وايي، چې د لویې څارنوالۍ څېړنې قانونې تشې لري.
 
سی شنبه ۲۸ جوزا ۱۳۹۸ ساعت ۱۰:۵۱
د مطلب کود: 186920 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *