ملي کرکت لوبډله له انګلستان سره لوبیږي

د صدای افغان خبری آژانس(آوا) , 28 جوزا 1398 ساعت 13:08

د افغانستان کرکت ملي لوبډله خپله پېنځمه لوبه له انګلستان سره د دغه هېواد په کوربتوب تر سره کوي.



دغه سیالي په داسې حال کې د انګلستان د منچستر په کرکت لوبغالي کې تر سره کیږي، چې د افغانستان ولسمشر به د دغې سیالۍ ځانګړی میلمه او نندارچي وي.
په همدې هیله ولسمشر غني نن سهار د انګلستان په منچستر ښار کې د کرکت ملي لوبډلې له غړیو سره ولیدل او ورته یې وویل: د لوبو په ډګر کې دننه او بهر ستاسې یوالی، ځلیدل، بریا او همغږي ډېر ارزښت لري او هیله من یم، چې هېواد ته ویاړ ورپه برخه کړئ.
دغه لوبه د کابل پر وخت د غرمې دوه بجې پیلیږي.
دا په داسې حال کې ده،  چې د افغانستان د کرکت ملي لوبډله د نړیوال جام د دغه پړاو په پنځوس آوره سیالیو کې له آسترالیا، سریلانکا، نیوزیلند او جنوبې افریقا څخه پرلپسې توګه څلور ځله ماته شوی او له امتیاز پرته د سیالیو په نوملړ کې وروستی ځای لري.
 


د مطلب کود: 186947

دمطلب پته: https://www.avapress.com/ps/news/186947/ملي-کرکت-لوبډله-له-انګلستان-سره-لوبیږي

آوا
  https://www.avapress.com