د بدخشان ولایت د والي ویاند نېک محمد نظري وویل، وسله والو طالبانو پرون یک شنبه د دغې ډلې د یوه نظامي قومندان مولوي امان الدین په امر د یاد ولایت د جرم ولسوالۍ په خستک سیمه کې د یوې میرمنې په ګډون د یوې کورنۍ پنځه غړي له افغان دولت سره د مرستې او همکارۍ په تور د صحرایي محکمې په ترڅ کې په ډبرو ویشتلي او وژلي دي.
وسله والو طالبانو تردې دمه د پیښې په اړه څه نه دي ویلي.
سرچينه : د صدای افغان خبری آژانس(آوا)