امریکایی رپ موسیقۍ ښځینه سندرغاړې سعودی عربستان جده ښار کې کانسرت ورکوی

13 سرطان 1398 ساعت 12:14

د امریکایي رپ موسیقۍ ښځینه سندرغاړې “نیکي میناج ” د سعودي عربستان جده ښار په نړیوال نندارتون کې د موسیقۍ کانسرټونه ورکوي.



ټاکل شوې دغه امریکایي سندرغاړې د سعودي عربستان په یاد ښار کې د رپ موسیقۍ کانسرت د روانې میلادي میاشتې په ۱۸ مه وړاندې کړي.
دغه امریکایي ښځینه سندرغاړې کانسرتونو کې د ډېر بې ستره کالیو په اغوستلو او د سکسي سندرو په ویلو کې خورا مشهوره ده.
په سعودي عربستان کې د هنري فعالیتونو په پلمه د دغسې کانسرټونو وړاندې کیدل د سعودي ولیعهد محمد بن سلمان دهغو پلانونو یوه څنډه ده چې غواړي په سعودي عربستان کې د اقتصادي ودي په خاطر د سیلانیانو تګ راتګ ته لاره هواړه کړي.
په سعوي عربستان کې د دغسي کانسرتونو تر سره کیدل په ټولنیزو رسنیو کې د هیښتیا، تاوده بحثونه او ګڼ غبرګونه راپاورلې دي.
د ټولنیزو رسنیو ځیني کارونکي په سعودي عربستان کې د دغسې میلو تر سره کیدل نامناسب بولې او ځیني یې بیا دغلته د افراطیت او سخت دریځي پر وړاندې ښه ګام شمیري.
 


د مطلب کود: 187788

دمطلب پته: https://www.avapress.com/ps/news/187788/امریکایی-رپ-موسیقۍ-ښځینه-سندرغاړې-سعودی-عربستان-جده-ښار-کې-کانسرت-ورکوی

آوا
  https://www.avapress.com