کد QR مطلبدریافت صفحه با کد QR

په غزني کې موتر بم چاودنې ۱۹۱ کسانو ته مرګ وژوبله اړولې

د صدای افغان خبری آژانس(آوا) , 16 سرطان 1398 ساعت 14:29

د غزني سیمه ییزو چارواکو په ډاګه کړې، چې په غزني ولایت کې موتر بم چاودنې ۱۹۱ کسانو ته مرګ و ژوبله اړولې ده.



سیمه ییزو چارواکو ویلي، چې د یکشنبې پر سهار( د چنګاښ ۱۶) اته بجې طالبانو  د غزني ښار د درېیمې امنیتي حوزې د شاه میر صاحب په اړوند سیمه کې د ملي امنیت پر عمومي ریاست موتر بم برید کړی.
په دې برید کې د غزني ولایت د ملي امنیت ریاست ډېره برخه ویجاړ شوی ده.
د عامې روغتیا وزارت ویاند وحیدالله مایار ویلي، چې په دې پېښه کې  ۱۷۹ کسان ټپیان شوي او ۱۲ نورو خپل ژوند له لاسه ورکړی دی.
د چارواکو د څرګندونو له مخې؛ د ټپیانو درملنه روانه ده او یوشمېر نور یې، چې روغتیایي حالت یې د اندښنې وړ دی کابل ته لیږدول شوي دي.    
د غزني والي ویاند عارف نوري ویلي، چې په دې پېښه کې د ملي امنیت دوه سرتېري وژل شوي، ۹ ټپیان دي او پاتې نور ټول د ښوونځي زدکوونکي، ښځې او عام وګړي دي.
طالبانو د دغه موتر بم برید مسوولیت منلی دی.
دا په داسې حال کې ده ، چې تېره ورځ هم د غزني ښار په یوه لوی جومات کې د ځای پرځای شویو چاودیدونکیو توکو له چاودنې دوه کسان وژل شوي وه او له ۲۰ ډېر ټپیان ول.
 


د مطلب کود: 187934

دمطلب پته :
https://www.avapress.com/ps/news/187934/په-غزني-کې-موتر-بم-چاودنې-۱۹۱-کسانو-ته-مرګ-وژوبله-اړولې

آوا
  https://www.avapress.com