دخپریدو نیټه :پنجشنبه ۲۰ سرطان ۱۳۹۸ ساعت ۰۹:۲۳
د مطلب کود : 188143
دفاع وزارت: غزني کې داعش ډله په ګروپي بڼه حضور نه‌لري
اسدالله خالد چې پرون یې غزني ته د امنیتي وضعیت د ارزونې په موخه سفر کړی و، خبریالاتو ته وویل:"په غزني کې داعش ګروپي فعاليت، داسې فعاليت چې دوى دلته مرکزونه جوړ کړي، نه لري. تروريستي فعاليت د افغانستان په هره ګوښه او حتى په ځينو هېوادونو کې لري."

داعش ډله چې تر ډېره په عراق او سوريه کې په تروريستي فعاليتونو تورنه ده، په افغانستان کې يې هم د تحرکاتو راپور ورکړل شوى دى.
د دفاع سرپرست وزير دوى به هره هغه ډله چې د دولت پر خلاف سر پورته کوي، وځپي.
له ښاغلي خالد سره په دې سفر کې په افغانستان کې د بهرنيو ځواکونو عمومي قوماندان جنرال سکاټ مېلر، په افغانستان کې د ناټو ملکي استازى نيکلاس کې او د کورنیو چارو وزارت امنيتي معین خوشال سعادت هم ملګري وو.
 
سرچينه : د صدای افغان خبری آژانس(آوا)
https://avapress.com/vdcayan6e49na61.hxk4.html
ټګونه
تبصره پوسټ کړئ
ستاسو نوم
ستاسو دبرېښنا ليک پته