ځایي چارواکي وایي چې د بغلان د دهنه غوري ولسوالۍ په تپه قرغان او بیس قرغان سیمو کې د وسله والو طالبانو ډلییز بریدونو له سخت مقاومت سره مخ شوي، او په ځوابیه هوایي او ځمکني حملو کې دښمن ته مرګوني تلفات ور اوښتې او له په جګړه کې یې کلکه ماتي خوړلې ده.
خامه پریس ته د ۲۰۹ شاهین قول اردو له لوري په را رسیدلې خبر پاڼه کې ویل شوي چې په دې جګړه کې یو mm 82 توپ، څور کلاشینکوفونه، پیکاوې او RPG7 راکټونه د امنیتي ځواکونو لاسته ورغلي دي.
په ورته وخت کې وسله والو طالبانو رسنیو ته په استولې خبر پاڼه کې د تېرې شپې په جګړه دغه ور اوښتې تلفات له حقیقته لرې ګڼي وایي چې په دې جګړه کې د دوی یوازي ۱۳ وسله وال وژل شوي دي.