پوليسو په کندهار کې دوه نفوذي پوليس نيولي

د صدای افغان خبری آژانس(آوا) , 14 اسد 1398 ساعت 14:29



د کندهار د پوليسو ویاند جمال ناصر بارکزي نن ازادي راډيو ته وويل چې يادو پوليسو د کندهار په ميوند ولسوالۍ کې ځانونه د پوليسو په ليکو کې ثبت کړي وو او غوښتل يې چې په همدې ولسوالۍ کې داخلي بريد وکړي چې د پولیسو له خوا پېژندل شوي او نیول شوي دي.
بارکزي وویل چې د يادو کسانو ترڅنګ د ېوې اوونۍ په اوږدو کې درې نور وسله وال طالبان هم په کندهار ښار کې نيول شوي دي.
چارواکي داسې مهال په کندهار کې د دوو نفوذي پوليسو د کشف خبره کوي چې تېره ورځ د دې ولایت په شاوليکوټ ولسوالۍ کې لسو نفوذي پوليسو خپل ۱۱ همکاران ووژل.
 


د مطلب کود: 189586

دمطلب پته: https://www.avapress.com/ps/news/189586/پوليسو-په-کندهار-کې-دوه-نفوذي-پوليس-نيولي

آوا
  https://www.avapress.com