کابل کې د ودونو تالار کې چاودنې ۶۳ کسان وژلي او ۱۸۲ نور ټپیان دي

د کورنیو چارو وزارت ویاند نصرت رحیمي وایي، چاودنه تېره شپه شااوخوا ۱۰:۴۰ دقیقې د شهر دوبۍ د ودونو هوټل په منځ کې شوې ده چې له امله یې ۶۳ کسان وژل شوي او ۱۸۲ تنه نور ټپیان دي.
نصرت رحیمي وایي، په قربانیانو کې ښځې او ماشومان هم شامل دي.
که څه هم تراوسه کومې ډلې د پیښې مسوولیت نه دی منلی، خو وسله والو طالبانو په دې پیښه کې لاس لرل رد کړي او پیښه یې غندلې ده