خوښ ديک ۱

افغانستان کې دوه امریکايي سرتېري وژل شوي

د ناټو په مشرۍ د غوڅ ملاتړ ماموریت وايي، پرون د چهارشنبې '۲۱م د اګسټ' په ورځ یې په افغانستان کې دوه سرتیري وژل شوي دي.
افغانستان کې دوه امریکايي سرتېري وژل شوي
وی په یوه بیان کې نور معلومات نه دي ورکړي چې دا سرتېري چېرته وژل شوي دي.
د امریکا د دفاع وزارت د پالیسۍ له مخې هم د دغه هېواد د وژل شویو سرتېرو هوویت تر ۲۴ ګړیو نه ښودل کېږي.
د روان میلادي کال له پیله تراوسه شپاړس امریکایي سرتېرې په افغانستان کې وژل شوې دي.
د تېرې مارچ میاشتې پر ۲۲مه هم دوه امریکايي سرتېري د عملیاتو پرمهال وژل شوي وو.
افغانستان کې د پرېکند ملاتړ اعلامیه د دې سرتېرو نوره پېژندنه او د پېښې ځای نه ډاګیزوي.
دا مهال په افغانستان کې شاوخوا ۲۰۰۰۰ بهرني سرتېري مېشت دي، چې ډېری یې امریکایان دي.
د امریکا د دفاع وزارت د شمېرو له مخې، په ۲۰۰۱ کال پر افغانستان د امریکا تر یرغل وروسته، په دې هېواد کې د امریکا ۲۲۱۶ سرتېري وژل شوي.
امریکا په افغانستان کې نژدې ۱۴ زره سرتېري لري چې د افغان ځواکونو په روزنه او د وسلوالو ضد عملیاتو کې په همکارۍ بوخت دي.
امریکایي چارواکي د خبرو له لارې غواړي طالبانو سره جوړ جاړي ته په رسېدو نژدې نیمايي سرتېري له افغانستان وباسي.

 
سرچينه : بی بی سی
پنجشنبه ۳۱ اسد ۱۳۹۸ ساعت ۰۹:۳۹
د مطلب کود: 190364 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *