خوښ ديک ۰

په زابل ولایت کې یو امریکایي عسکر وژل شوی

د امریکا د متحدو ایالاتو یو عسکر په افغانستان کې ووژل شو.
په زابل ولایت کې یو امریکایي عسکر وژل شوی

په افغانستان کې د ناټو په مشرۍ د غوڅ ملاتړ ماموریت په بیان کې چې پرون جمعه د اګست په دېرشمه خپور شوی، ویل شوي چې یو عسکر د پنجشنبې په ورځ د عملیاتو په وخت کې وژل شوی دی.
د غوڅ ملاتړ ماموریت په دې اړه نور جزیات نه دي څرګند کړي.
خو نیوزویک مجلې د امریکا د دفاع وزارت د چارواکو په حواله ویلي چې وژل شوی عسکر د امریکا د سپېشل فورس یا ځانګړو ځواکونو غړی و.
د پنټاګون یوې سرچینې نیوزویک ته ویلي چې عسکر په زابل کې وژل شوی دی.
تېره اوونۍ هم دوه امریکايي عسکر په فاریاب کې ووژل شول.
دا په داسې حال کې ده چې امریکا د افغانستان د اتلس کلنې جګړې د پای ته رسولو لپاره په خبرو لګیا ده.
د رپوټونو پر اساس، په افغانستان کې اوسمهال ۱۴ زره امریکايي عسکر مېشت دي.
 
شنبی ۹ سنبله ۱۳۹۸ ساعت ۰۹:۲۱
د مطلب کود: 190751 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *