کد QR مطلبدریافت صفحه با کد QR

فراه ولایت کې چاودنه؛ د شپږو مُلکیانو په ګډون اته تنه وژل شوي

د صدای افغان خبری آژانس(آوا) , 10 سنبله 1398 ساعت 16:44

فراه کې د واټ ته‎څېرمه یوه ځای پرځای شوي ماین چاودنه کې د شپږو ولسي وګړو په ګډون اته تنه وژل شوي دي.



د فراه د امنیه قومندانۍ ویاند محب‎الله محب وايي چې په وژل شویو کې ښځې او ماشومان هم شامل دي.
محب زیاتوي چې دا پېښه نن (یکشنبې د وږي په ۱۰مه) د فراه ولایت په انار دره ولسوالۍ کې شوې ده.
د هغه په وینا، چې د دغې ولسوالۍ د امنیه قومندان دوه ساتونکي هم په دغې چاودنه کې وژل شوي دي.
د فراه د امنیه قومندانۍ ویاند وايي چې دا ماین په تازه‎ګۍ سره د طالبانو له خوا د اناردرې ولسوالۍ د عمومي واټ ته‎څېرمه خښ کړل شوی و.
خو طالبانو بیا په دې اړه څه نه دي ویلي.
 


د مطلب کود: 190860

دمطلب پته :
https://www.avapress.com/ps/news/190860/فراه-ولایت-کې-چاودنه-د-شپږو-م-لکیانو-په-ګډون-اته-تنه-وژل-شوي

آوا
  https://www.avapress.com