خوښ ديک ۰

کونړ کې څه باندې ۱۵۰ طالب او داعش وسله وال حکومت ته تسلیم شوي

په کونړ ولایت کې سیمه ییز چارواکي وایي، څه باندې ۱۵۰ طالب او د اسلامي دولت نومې ډلې (داعش) وسله وال حکومت ته تسلیم شوي دي.
کونړ کې څه باندې ۱۵۰ طالب او داعش وسله وال حکومت ته تسلیم شوي
په کونړ ولایت کې سیمه ییز چارواکي وایي، څه باندې ۱۵۰ طالب او د اسلامي دولت نومې ډلې (داعش) وسله وال حکومت ته تسلیم شوي دي.
د کونړ ولایت مقام په یوه بیان کې ویلي، د ملي امنیت ادارې په هڅو دغه وسله واله ډله چې (۱۱۰) تنه یې وسله وال طالبان او د داعش قاضي مولوي بصیر په ګډون ۴۰ یې د داعش جنګیالي دي د جګړو لاس په سر او نن چهارشنبه د خپلوسپکو او درندو وسلوسره له دولت سره یوځای شول.
خبرپاڼه زیاتوي:
چې له همدې امله جوړشوو مراسیمو کې د کونړ ولایت مرستیال والي،امنیتي مسوولینو او قومي مشرانو له لوري یادې ډلې ته تود هرکلی وویل شول او د دغو وسله والو یو ځای کېدل یې د امنیت تامین په برخه کې ستره لاسته راوړنه یاده کړه
مرستیال والي ګل محمد بیدار وایي یادو وسله والو په چپې درې، ماڼوګي، وټه پور او څوکۍ ولسوالیو کې د دولت ضد وسله وال فعالیتونه ترسره کول چې د دولت په حقانیت د پوهېدو وروسته یې له جګړو او تاو تریخوالي لاس واخیست او د (۱۵۰) میله سپکو او درندو وسلو سره له دولت سره یو ځای شول.
نوموړي د کشفي او امنیتي ارګانونو څخه د مننې ترڅنګ د یادې وسله والې ډلې یوځای کېدل په کونړ د امنیتي ساحو پراختیا او امنیت تامین لپاره مهم وبلل او ډاډ یې څرګند کړ چې ډیر ژربه لسګونه نور وسله وال له دولت سره یوځای شي .
سرچينه : د صدای افغان خبری آژانس(آوا)
پنجشنبه ۱۴ سنبله ۱۳۹۸ ساعت ۰۸:۳۷
د مطلب کود: 191054 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *