د افغانستان په شمال کې د ملي پو ۲۰۹ شاهین قول اردو وایي، د بغلان ولایت مرکز د پلخمري ښار په مربوطاتو کې هوایي بریدونو ۴۵ طالب وسله وال وژلي.

د ۲۰۹ شاهین قول اردو له لوري په خپره شوې خبرپاڼه کې راغلي، امنیتي ځواکونو وړمه شپه د پلخمري په مربوطاتو کې هوایي بریدونه ترسره کړي چې په ترڅ کې یې ۴۵ وسله وال وژل شوي.
خبرپاڼه زیاتوي، چې په وژل شویو کې د بغلان ولایت لپاره د طالبانو نوموی شوی والي مولوي عبید الله هم شامل دی.
وسله والو طالبانو تر دې مهاله په دې اړه څه نه دي ویلي.