خوښ ديک ۰

په فراه ښار کې د جګړې وروستی حال؛ د مولوي چکاني په ګډون لسګونه وسله وال وژل شوي

د افغانستان د کورنیو چارو وزارت چاواکي تاییدوي چې د فراه ښار په بېلو بېلو برخو کې د وسله والو طالبانو پر ضد چاڼیز عملیات دوام لري.
په فراه ښار کې د جګړې وروستی حال؛ د مولوي چکاني په ګډون لسګونه وسله وال وژل شوي

د فراه ولایت امنیتي چارواکي وایي چې پر فراه ښار د طالبانو برید په شا تمبول شوی او ۵۰ طالب وسله وال مړه او ټپیان شوي دي.

د دغه ولایت امنیه قوماندان غلام محی الدین خیرخواه نن ازادي راډيو ته وویل چې تازه دمي افغان ځواکونه هم فراه ښار ته ورسېدلي دي.
دده په خبره چې اوسمهال د فراه د ښار دننه امنیت ارام او د دغه ښار په څنډو کې ځای ځای نښتې روانې دي.
وسله والو طالبانو د تېرې شپې له نیمایي وروسته له څو خواوو د فراه پر ښار بریدونه وکړل.
د طالبانو ویاند ذبیح الله مجاهد پر خپله ټوېټرپاڼه لیکلي چې نښته د فراه له امنیې قوماندانې سره نږدې دوام لري.
دی ادعا کوي چې په دغه برید کې ګڼ شمېر افغان امنیتي ځواکونه وژل شوي دي.
افغان چارواکي بیا د طالبانو دغه ادعاوې ردوي.
 
سرچينه : د صدای افغان خبری آژانس(آوا)
شنبی ۱۶ سنبله ۱۳۹۸ ساعت ۰۸:۳۹
د مطلب کود: 191153 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *