کد QR مطلبدریافت صفحه با کد QR

سوله تر هر څه لومړیتوب لري-حامد کرزی

د صدای افغان خبری آژانس(آوا) , 17 سنبله 1398 ساعت 17:16

د سولې د خبرو په اړه د پخواني ولسمشر حامد کرزي رسنیز دفتر په داګه کړې، چې سوله د افغانستان د خلکو ستره هیله ده او تر بل هر څه لومړیتوب لري.




د یاد دفتر د اعلامیې له مخې: کله، چې د امریکا او طالبانو ترمنځ د سولې په نوم هڅې پیل شوې، د افغانستان خلکو یې تود هرکلي وکړ؛ خو اوس، چې دغه خبرې له خنډ سره مخ شوې دا په دې معنی نه ده، چې د افغانانو د سولې هڅې دې هم اغېزمنې شي، بلکې برعکس دغه هڅې باید تر بل هر وخته ګړندی شي.
پخواني ولسمشر حامد کرزي روانه جګړه د پردو د ګټو لپاره بولي او له ښکېلو خواوو یې غوښټي، چې
له جګړې لاس واخلي او په پوره صداقت او هوښیارۍ د بین الافغاني مذاکراتو له لارې د تل پاتې او سرتاسري سولې د ټینګښت لپاره خپلې هڅې نورې هم ګړندۍ کړي.
نوموړي د سیمې له سترو هېوادونو هم غوښتي، چې د سولې په راوستو کې د افغانستان له خلکو سره نه یوازې خپلې همکارۍ روانې وساتي، بلکې چټکتیا هم ور وبخښي.
هغه دا هیله لري، چې د طالبانو او امریکایانو ترمنځ  د سولې څه نا څه لس میاشتنۍ خبرې یو ځل بیا، له شفافیت او وضاحت سره پیل او په افغانستان کې د دایمی سولې او ثبات سبب شي.
که څه هم له تېرې پنجشنبې او شنبې د شپو د خبرو په لړ کې دواړو خواوو د پرمختګونو خبرونه ورکول، خو هوکړې ته د رسیدو په وروستیو ګړیو کې د امریکا ولسمشر دونالد ترمپ تېره ورځ دغه خبرې لغوه اعلان کړې.
 


د مطلب کود: 191277

دمطلب پته :
https://www.avapress.com/ps/news/191277/سوله-تر-څه-لومړیتوب-لري-حامد-کرزی

آوا
  https://www.avapress.com