خوښ ديک ۰

رسنۍ: د طالبانو یوه پلاوي د افغانستان لپاره د روسیې له ځانګړي استازي سره کتلي

د وسله والو طالبانو د قطر د دفتر یوه ډله مسکو ته تللې چې له روسي چارواکو سره خبرې وکړي.
رسنۍ: د طالبانو یوه پلاوي د افغانستان لپاره د روسیې له ځانګړي استازي سره کتلي

دوی څو ورځې وروسته تر دې دا سفر کړی چې د امریکا ولسمشر ډونالد ټرمپ تېره اوونۍ د سپټمبر د پنځمې نېټې برید ته چې د کابل په شش درک کې وشو، په اشارې په واشنګټن کې وویل چې له طالبانو سره د سولې خبرې نورې نه شته.
د امریکا ولسمشر په خپل ټوېټر کې د قهرجنو پيغامونو په لیکلو سره وايي، غوښتل‎یې چې د سپټمبر په اتمه، په ډېوېډ کمپ کې د طالبانو له مهمو مشرانو سره محرمانه لیدنه ولري.
خو ښاغلي ټرمپ ویلي: د سولې خبرې له منځه تللي، ختمې شوې، تر کومه ځایه چې په ما پورې اړه لري، خبرې له منځه تللي، طالبانو فکر کاوه چې د خلکو په وژلو سره به یې په مذاکراتو کې دریځ لوړ شي، دوی د یوه تکړه امریکایي سرتېرې په ګډون دولس تنه ووژل.
روسي اژانس تاس د طالبانو د قطر د دفتر د ویاند سهیل شاهین په وینا خبر ورکړ چې د طالبانو پلاوي د افغانستان لپاره د روسیې له ځانګړي استازي ضمیر کابلوف سره د جمعې په ورځ کتلي دي.
شنبی ۲۳ سنبله ۱۳۹۸ ساعت ۰۹:۴۰
د مطلب کود: 191507 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *