خوښ ديک ۰

د سعودي عربستان د تیلو پر تاسیساتو برید شوی

د سعودي عربستان مقاماتو ددې هیواد د تیلو په تاسیساتو کې د چاودنو خبر ورکړی دی.
د سعودي عربستان د تیلو پر تاسیساتو برید شوی
د بقیق او د حقل د تیلو د ساحې په سترو تاسیساتو کې چاودنې د اور لگیدنې سبب شوي، خو تر اوسه نده روښانه شوی چې پدغو پیښو کې مرگ ژوبله شوې که نه.
په یمن کې میشت حوثي یاغیانو چې ایران یې ملاتړ کوي ددغه برید مسولیت منلی دی.
څارونکي پدې باور دي چې دغه برید ښایي په فارس خلیج کې د ایران او متحده ایالاتو ترمنځ کړکیچ نور هم شدید کړي.
د سعودي عربستان د کورنیو چارو وزارت د یوې اعلامیې په خپرولو سره ویلي چې د تیلو پر تاسیساتو باندې د "ډرون" په واسطه برید شوی دی.
د سعودي عربستان مقاماتو د بقیق د تیلو تاسیسات "په نړۍ کې د خامو تیلو ستر مرکز" گڼلی دی.
پر دغه مرکز باندې پخوا هم بریدونه شوي وو چې د هغې جملې نه په ٢٠٠٦ کال کې یو ځانمرگي بریدگر پرې حمله کړې وه، خو نه و توانیدلی چې دغو تاسیساتو ته دننه شي. د القاعده شبکي د هغه برید مسولیت منلی و.
د یمن حوثیانو د یوې اعلامیې په خپرولو سره ویلي چې پر دغو تاسیساتو باندې یې په "لس ډرونو" برید کړی دی.
بقیق د ریاض په شاوخوا ۳۳۰ کیلومترۍ کې پروت دی.
 
شنبی ۲۳ سنبله ۱۳۹۸ ساعت ۱۸:۳۳
د مطلب کود: 191553 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *