د ننګرهار جلال اباد ښار درییمې حوزې سیمه کې د برېښنايي پېژندپاڼې پر مرکز ځانمرګی برید شوی.

د ننګرهار د والي ویاند، عطاالله خوګیانی وايي برید نن(چهارشنبې د وږي په۲۷مه نېټه) له غرمې وروسته کابو یوه نیمه بجه شوی.
د والي ویاند تر اوسه د مرګ ژوبلې په تړاو یې مالومات نه دي ورکړي، خو روغتیايي چارواکي وايي چې کابو لس تنه ټپیان روغتون ته لیږدول شوي دي.
داسې راپورونه شته چې یو شمېر وسله‎وال یاد مرکز ته د ننه شوي دي او خال خال ډزې  روانې دي.