کد QR مطلبدریافت صفحه با کد QR

د افغانستان د راروانو ولسمشریزو ټاکنو پر شفافیت د امریکا ټینګار

28 سنبله 1398 ساعت 16:09

د امریکا د بهرنیو چارو وزیر مایک پامپیو په افغانستان کې د جمهوري ریاست د را روانو ټاکنو پر شفافیت ټینګار کړی دی.



پامپیو په یوه بیان کې چې پرون د سپټمبر په اتلسمه خپور شو، لیکلي چې متحده ایالات او له افغانستان سره نور مرسته کوونکي هېوادونه په دې باور دي چې په افغانستان کې باید انتخابات شفاف وي.
هغوی د افغانستان له حکومت او انتخاباتي ادارو غوښتنه کړې چې د را روانو ټاکنو د شفافیت ډاډ ورکړي.
د امریکا د بهرنیو چارو وزیر ویلي، هغه افغانان چې په ټاکنو کې د ګډون لپاره خپل ژوند له ګواښ سره مخامخ کوي، د دې حق لري چې وپوهېږي او ډاډ ولري چې ټاکنې به د هغوی د انتخاب انعکاس وي.

مایک پامپیو زیاته کړې چې په افغانستان کې مېشت ائتلافي ځواکونه او مرسته کوونکي هېوادونه چې د ټاکنو لپاره د زمینې برابرولو په خاطر قرباني ورکوي، هم حق لري چې د ټاکنو له شفافیته ډاډ ولري.
په اعلامیه کې د پامپیو په حواله لیکل شوي چې دوی تمه لري چې د افغانستان ټاکنیز بنسټونه به هم ټول ضروري ګامونه پورته کړي او رأیه ورکوونکو ته ډاډ ورکړي چې ټاکنې به شفافې او پایلې به یې معتبرې وي.
 


د مطلب کود: 191836

دمطلب پته :
https://www.avapress.com/ps/news/191836/د-افغانستان-راروانو-ولسمشریزو-ټاکنو-پر-شفافیت-امریکا-ټینګار

آوا
  https://www.avapress.com