کد QR مطلبدریافت صفحه با کد QR

چارواکی: هلمند کې هوایي برید له امله ۱۴ وسله وال طالبان وژل شوي

د صدای افغان خبری آژانس(آوا) , 1 میزان 1398 ساعت 12:47

د هلمند ولایت سیمه ییز چارواکي وایي، ځانګړو افغان ځواکونو د هلمند ولایت کې د وسله والو طالبانو پر ځانمرګو بریدکوونکو او د چاودېدونکو توکو پر ډیپوګانو ځمکني او هوایي عملیات ترسره کړي چې په ترڅ کې یې دغې ډلې ته درنه مرګ ژوبله اوښتې ده.



د هلمند ولایت رسنیو دفتر د خبرپاڼې له مخې، یاد عملیات تېره شپه په موسی کلا ولسوالۍ کې ترسره شوي چې په پایله کې یې د وسله والو طالبانو د چاودیدونکو توکو ډیپوګانو له منځه تللو سربیره ددغې ډلې ددرېیو مهمو قوماندانو په ګډون ۱۴تنه مخالفين وژل شوي چې له دې جملې ۶ وژل شوي وسله وال بهرنیان دي.
د خبرپاڼې له قوله،په وژل شويو کسانو کې احسان، حقبین او فرهاد چي د وسله والو طالبانود لویو بریدونو پلانولو طرحه کوونکي وو او پر ۲۱۵میوند قول اردو باندېيې د برید پلان هم جوړ کړی، هم وژل شوي دي.
په ورته وخت کې وسله والو طالبانو ویلي چې، افغان ځواکونو د واده پر مراسمو عملیات ترسره کړي چې په ترڅ کې یې ولسي وګړو ته مرګ ژوبله اوښتې ده.
دا په داسې حال کې دي چې، د هلمند ولایت سیمه ییز چارواکي وایي، امنیتي بنسټونو ته دنده سپارل شوي چې د پر ټولنیزو شبکو او د وسله والو طالبانو د هغې ادعا په اړه څېړنې وکړي چې، ګواکي د یادو عملیاتو پرمهال ولسي وګړو ته مرګ ژوبله اوښتې ده.
 


د مطلب کود: 192002

دمطلب پته :
https://www.avapress.com/ps/news/192002/چارواکی-هلمند-کې-هوایي-برید-له-امله-۱۴-وسله-وال-طالبان-وژل-شوي

آوا
  https://www.avapress.com