خوښ ديک ۰

د ولايتي شورا اونيزه غونډه جوړه سول

د ولايتي شورا اونیزه نوبتي غونډه جوړه سول، چي پکښي دشورا رئيس حاجي سيدجان خاکرېزوال او دشورا غړو ګډون کړی وو او پرمهال يې د خلکو پر ستونزو او يوشمېر حقوقي موضوعاتو د حل په موخه خبري وسوې.
د ولايتي شورا اونيزه غونډه جوړه سول
د ولايتي شورا اونیزه نوبتي غونډه جوړه سول، چي پکښي دشورا رئيس حاجي سيدجان خاکرېزوال او دشورا غړو ګډون کړی وو او پرمهال يې د خلکو پر ستونزو او يوشمېر حقوقي موضوعاتو د حل په موخه خبري وسوې.
غونډي ته دملي امنيت دمرستيال او څارنوال په ګډون د اوبو رسولو رئيس هم وربلل سوی وو او د خلکو ستونزي په مخامخ ډول ورسره شريکي سوې.
غونډه چي د شورا د رئيس حاجي سيدجان خاکرېزوال په مشرۍ جوړه سوې لومړی پکښي د بنديانو ددوسيو د ژر حل وفصل په اړه خبري وسوې.
د ولايتي شورا رئیس وايي، چي د ارغستان ولسوالۍ په ګډون د ځينو سيمو خلک شورا ته د شکايت په ډول راغلي وه، چي په خبره يې دبنديانو دوسيو ته يې پر وخت رسيدګي نه کيږي، چي دوئ نن دا موضوع دملي امنيت له مسولينو سره د شورا په غونډه کي دحل په موخه شريکه کړه.
په غونډه کي ددې ترڅنګ د ښار پر سړکونو د زيات وزن لرونکو موټرانو د مخنيوي او دميرويس ميني دخلکو داوبو کمښت پرستونزه هم خبري وسوې.
دولايتي شورا رئيس حاجي سيدجان خاکرېزوال وايي، چي د زيات وزن لرونکو موټرانو له امله دښار سړکونه تخريب سوي او دشورا په غونډه کي يې له امنیتي مسولينو جدي غوښتنه وکړه، چي د ښار پر سړکونو نور دزيات وزن لرونکو موټرانو پر تګ راتګ جدي بنديز ولګوي.
نوموړي ددې ترڅنګ وویل، چي دشورا غونډي ته يې د کندهار د اوبو رسولو رئيس هم رابللی وه، چي پرمهال يې د ميرويس ميني د اوسېدونکو داوبو دکمښت ستونزه هم شريکه کړل، چي د رئیس له لوري دستونزي دحل ډاډ ورکړل سوو.
د يادوني وړ ده، چي دغونډي په جريان کي دګڼ شمېر مراجعينو پر عرایضو باندي هم بحث وسو او په اړه يې لازم تصاميم ونيول سول.
دوشنبه ۱۵ میزان ۱۳۹۸ ساعت ۰۸:۵۳
د مطلب کود: 192672 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *