جلال اباد کې د پرونۍ چاودنې د وژل شویو شمېر ۱۲ ته لوړ شو

16 میزان 1398 ساعت 17:41

د افغانستان په ختیځ ولایت ننګرهار کې چارواکي وایي، په جلال اباد ښار کې د دوشنبې ورځې په چاودنه کې د یوه ماشوم ګډون ۱۲ ملکي کسان وژل شوي.


د افغانستان په ختیځ ولایت ننګرهار کې چارواکي وایي، په جلال اباد ښار کې د دوشنبې ورځې په چاودنه کې د یوه ماشوم ګډون ۱۲ ملکي کسان وژل شوي.
تېره ورځ شااوخوا ۴:۳۰ دقیقو د جلال اباد ښار په درېیمه ناحیه کې د ملي اردو د جلب او جذب سرتېرو یوه کاسټر موټر ته څېرمه چاودنه وشوه.
د ننګرهار د والي ویاند عطاو الله خوګیاڼي ازادي راډیو ته وویل، په دغې چاودنې کې د وژل شویو کسانو شمېر ۱۲ ته لوړ شوی او ۳۲ نور ټپيان دي.
د ښاغلي خوګیاڼي په خبره، چاودېدونکي توکي په یوه زرنج ډوله ریکشا کې ځای پرځای شوي وو.
د افغانستان ولسمشر محمد اشرف غني دغه برید غندلی او هغه یې د بشریت ضد جنایت بللی دی.


د مطلب کود: 192753

دمطلب پته: https://www.avapress.com/ps/news/192753/جلال-اباد-کې-د-پرونۍ-چاودنې-وژل-شویو-شمېر-۱۲-ته-لوړ-شو

آوا
  https://www.avapress.com