کد QR مطلبدریافت صفحه با کد QR

اليس ويلز د ولسمشر اشرف غني سره وکتل

23 میزان 1398 ساعت 16:40


د جنوبي اسیا په چارو کې د امریکا د بهرنیو چارو وزارت مرستیاله الیس ویلز کابل ته راغلې او نن سه شنبه یې له ولسمشر غني سره په ارګ کې د ټاکنو، سولې او سیمه ییزو اړیکو په هکله خبرې کړې دي.
 ارګ د دغې لیدنې په تړاو تاند ته په استولې خبرپاڼه کې ویلي، په دې لیدنه کې اغلې الیس وېلز په افغانستان کې د ټاکنو د ترسراوي ستاینه کړې او زیاته کړې یې ده چې دا ځل رایې خلکو د ولسواکۍ د ټینګښت لپاره ورکړې دي.
بلخوا ولسمشر په دې لیدنه کې د ټاکنو کمېسیون ته د جان بس د زیات تګ راتګ په تړاو په اشاره ویلي چې باید د ټاکنیزوو کمېسیونونو د پرېکړو خپلواکي رعایت کړای شي او نوماندان دې هم له وخته مخکې د بریا ادعاوې نه کوي.
 ولسمشر همدا راز افغانان د باعزته او تلپاتې سولې په تړاو ټولمنلې اجماع لري او سوله به نه یوازې د اوسني بلکې راتلونکي حکومت لومړیتوب هم وي.
 ولسمشر غني په داسې حال کې د ټاکنیزو کمېسیونونو د خپلواکۍ د درناوي غوښتنه کړې ده چې د امریکا سفیر په دې وروستیو کې د کمېسیون په مرکزي دفتر کې ډیر لیدل کېږي او ویل کېږي چې ان د نتایجو تر مرکزه پورې تګ راتګ کوي.
نښې نښانې داسې ښيي چې د امریکا سفیر جان باس د اشرف غني سرسخته مخالف او د عبدالله پر خوا یې تمایلات او ملګرتیا ډېره ده.


د مطلب کود: 193177

دمطلب پته :
https://www.avapress.com/ps/news/193177/اليس-ويلز-د-ولسمشر-اشرف-غني-سره-وکتل

آوا
  https://www.avapress.com