خوښ ديک ۰

خوست: مېس عینک اتلانو د بریا جشن وکړو

خوست: مېس عینک اتلانو د بریا جشن وکړو
د شپږیزې کرکټ لیګ شپږم پړاو سیالۍ، چې د تلې میاشتې په ۱۵ نېټه پیل شوې وې، تېره جمعه د میس عینک اتلانو په بریا سره پای ته ورسېدې.
د شپږیزې لیګ مراسم تېر مازیګر د خوست ولایت د حکیم تڼیوال په پارک کې د ملي لوبغاړو، د کریکټ بورډ غړو او دولتي چارواکو له خوا نیول شوي وو.
د شپږیزې لیګ بریا چشن د زرګونو خوستوالو لخوا په اتڼونو، ولولو او ډولونو سره بدرګه شول.
د میس عینک زون کپټان محمدنبي عیسی خېل په خپلو خبرو کې وویل، د لوبغاړو خپلې خوارۍ او د دوی ترمنځ ښه همغږي د دې لامل شوه، چې بریا په خپل نوم کړي.
نبي له خوستوالو مننه وکړه، چې دوی یې ونازول او د بریا مراسم یې ورته ونیول.
دغو مراسمو کې د خوست والي حلیم فدایي وویل، کرکټ یوه ملي لوبه ده، نو همده وجه ده، چې ټول خلک یې مینوال دي او په خبره یې نن ورځ د زرګونو خوستوالو راتګ یې ښه بېلګه ده.
والي فدایي د کرکټ هغه لوبغالی، چې په تڼیوال پارک کې جوړ شوی، د میس عینک زون په نوم کړ.
په عین وخت کې د میس عینک زون مالي ملاتړ کوونکي ضیاالحق وزیرزي وویل، غواړي د کرکټ په برخه کې پانګونې ته دوام ورکړي او ترڅنګ یې د ده په مالي ملاتړ ځوان لوبغاړي پیدا او وروزل شي.
د افغان کریکټ بورډ له لوري د کورني کرکټ د پیاوړتیا په هدف د شپږیزې په نوم سیالۍ دا شپږم ځل دی، چې ترسره کېږي؛ چې پکې د میس عینک لوبډلې د دویم ځل لپاره د یاد لیګ اتوالي وکټله.
د کریکټ بورډ مشران وایي، په دې شپږیزه سیالۍ کې یې نوي او ځوان لوبغاړي پیداکړل، چې ځینې به یې په ملي لوبډله کې جذب شي.
دوشنبه ۲۹ میزان ۱۳۹۸ ساعت ۱۱:۵۸
د مطلب کود: 193645 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *