طالبانو د دوو بهرنیو استادانو د خوشي کولو په بدل کې له افغان حکومت څخه د ۸۰ زندانیانو خوشي کول غوښتي دي.
طالب سرچینو رسنیو ته ویلي چې دوی دوه بهرني استادان خوشي کوي خو په بدل کې یې د انس حقاني په ګډون د ۸۰ طالب بندیانو آزاديدل غواړي، طالبانو ته نږدې سرچینو ویلي چې دغه کسان ټول مهم جنګي قومندانان دي او په خوشي کېدو سره به یې هم له امریکایانو سره د سولې خبرې پيل شي او هم به طالبان له افغان حکومت سره مخامخ مذاکراتو ته تیاری وښيي.
دخپریدو نیټه :پنجشنبه ۹ عقرب ۱۳۹۸ ساعت ۱۳:۰۶
د مطلب کود : 194396
تر دې وړاندې داسې راپورونه خپاره شوي چې زلمي خلیلزاد هم په وروستي سفر کې له افغان حکومت غوښتي چې د دوو بهرنیو استادانو په خلاصون کې همکاري ورسره وکړي.
د طالبانو په دغه څرکندونو عامو خلکو سخت غبرګون ښودلی او ویلي یې دي چې انس حقاني د افغانستان د بي ګنا خلکو قاتل دی هغه باید خوشی نه شي، اعدام شي او خپله سزا وګوري.
avapress.com/vdchwknz-23nwxd.yjt2.html
ډیری لیدل شوي
۴
