د تخار- بدخشان لویه لاره کې د مسافرو موټر چپه شوی ګڼه مرګ ژوبله یې اړولې

دا موټر چې له کابله بدخشان ولایت ته پر لاره و، نن شنبې سهار د تخار ولایت کلفګان ولسوالۍ باغ ذخیره سیمه کې له لارې منحرف شوی او چپه شوی دی.
د تخار ولایت ځایي چارواکي وایي په دې پيښه کې پنځه کسان چې دوه یې ماشومان، دوې یې میرمنې او یو یې نارینه دی، وژل شوي او یو شمیر نور ټپيان شوي دي.
د افغانستان په ډیریو لویو لارو کې ترافیکي پيښې رامنځته کیږي.
د سړکونو خرابوالی، د ترافیکي قوانینو په پام کې نه نیول او د موټر چلوونکو بې احتیاطي د دې پيښو اصلي عوامل بلل کیږي.