د مالیې وزارت سرپرست وایي له هیڅ بهرني بنسټ نه یې مالی امتیاز نه دی اخیستی

ښاغلي قیومي چې نن یکشنبې د سنا جرګې شکایتونو کمیسیون ته وربلل شوی و، پر ځان ټول لګیدلي تورونه رد کړل.
په دې وروستیو کې داسې رپوټونه خپاره شول چې کني د مالي سرپرست وزیر، همایون قیومي له بهرنیو بنسټونو سلګونه زره ډالر ترلاسه کړي دي.
خو د سنا جرګې د شکایتونو کمیسیون دا ځوابونه قانع کوونکي ونه بلل.
د دغه کمیسیون غړو ټینګار درلود چې د مالیې وزارت د پخواني دفتر مشر شپږ تنه په جعلي لاسلیکونو باندې ګمرکونو کې ګمارلي او په بدل کې یې له ۵۰ تر ۲۵۰ زرو ډالرو پیسې ترلاسه کړي دي.
خو د ماليې وزارت سرپرست وویل دا موضوع هم د عدلي او قضایي ارګانونو تر څیړنې لاندې ده.
د افغانستان امریکایي پوهنتون باندې د کرنې وزارت د ځمکو پلورل، کاردان خصوصي تلویزیون باندې د مرکزي سیلو د یوې برخې پلورل او بریټانیا سفارت باندې د ملي تلویزیون د ځمکې خرڅول نور هغه شکایتونه وي چې د مالیې سرپرست وزیر یې مشرانو جرګې ته کاږلی و.
همایون قیومي وویل له تیرو شپږو میاشتو راهیسې د مالیې وزارت د املاکو ریاست د ښار جوړونې وزارت سره ادغام شوی او دوی د ځمکو پلور کې هیڅ لاس نه لري.
خو په وینا چې د افغانستان امریکایي پوهنتون باندې د ځمکې پلورلو په تړاو چې د پخواني ولسمشر له لوري شوي، څيړنې شوي دي.