کد QR مطلبدریافت صفحه با کد QR

د کام ایر هوايي شرکت مسئولان د ملکي هوايي چلند اداره په بې پروايۍ تورنوي

13 عقرب 1398 ساعت 17:20

افغانستان کې د کام ایر خصوصي هوايي شرکت مسئولین انتقاد کوي چې د افغانستان د ملکي هوايي چلند اداره له عربي متحده اماراتو سره د دوی د ستونزو په هواري کې بې پروا ده.


افغانستان کې د کام ایر خصوصي هوايي شرکت مسئولین انتقاد کوي چې د افغانستان د ملکي هوايي چلند اداره له عربي متحده اماراتو سره د دوی د ستونزو په هواري کې بې پروا ده.
د کام ایر شرکت د سوداګرۍ برخې رئیس سلیمان عمر د دوشنبې په ورځ (عقرب ۱۳مه) ازادي راډيو ته وویل، اماراتي شرکتونو د افغانستان او متحده عربي اماراتو ترمنځ پروازونه انحصار کړي او کام ایر ته د پرواز اجازه نه ورکول کېږي.
ښاغلي عمر وايي، امارات د دوی د فعالیت په وړاندې په بېلابېلو بهانو ستونزې جوړوي. ده همداراز د افغانستان د هوايي چلند اداره هم په بې پروايۍ تورنه کړه.
تېره اوونۍ د کام ایر شرکت یوې الوتکې ته په دوبۍ کې د ناستې اجازه ورنه کړل شوه.
ښاغلي عمر په خبره، اوسمهال یوازې د اریانا افغان هوايي شرکت دی چې دوبۍ ته په اوونۍ کې دوه پروازونه لري، خو برعکس اماراتي شرکتونه افغانستان ته په اوونۍ کې شپږ پروزونه لري.
خو د افغانستان د ملکي هوايي چلند د ادارې رئیس محمد قاسم وفايي زاده وايي، دوه اوونۍ مخکې د دغه شرکت ستونزه دوی له اماراتي چارواکو سره هواره کړې او کام ایر کولای شي اماراتو ته پرواز ولري.
کام ایر څو کاله وړاندې د اماراتو له خوا د یوشمېر تخنیکي ستونزو له کبله په تور لېست کې شامل شوی و.


د مطلب کود: 194731

دمطلب پته :
https://www.avapress.com/ps/news/194731/د-کام-ایر-هوايي-شرکت-مسئولان-ملکي-چلند-اداره-په-بې-پروايۍ-تورنوي

آوا
  https://www.avapress.com