خوښ ديک ۰

په تېرو دریو ورځو کې د وسله والو طالبانو د سړک غاړې ماینونو ۲۴ ملکیان وژلي

په تېرو دریو ورځو کې د وسله والو طالبانو د سړک غاړې ماینونو په پکتیکا، تخار او بغلان ولایتونو کې ۲۴ بېګناه افغانان وژلي. وسله والو طالبانو پرون د بغلان په ډنډ شهاب الدين کې د ملکي خلکو يو موټر په بم الوزولی. اته تنه يې د ماشومانو او ښځو په ګډون وژلي. شپږ تنه يې نور زخميان دي.
په تېرو دریو ورځو کې د وسله والو طالبانو د سړک غاړې ماینونو ۲۴ ملکیان وژلي

د سیمې خلک وایې چې دغه پېښه هغه مهال رامنځته شوه چې د ډنډ شهاب‌الدین ولسوالۍ په اکاخېلو سیمه کې د ملکیانو یوه سراچه موټر په سړک کې د طالبانو له ‌خوا پر ایښودل شوي ماین برابر شو.
د شنبې په ورځ هم د وسله والو طالبانو د سړک غاړې په ماینونو کې اووه تنه په پکتيکا ولايت کې ووژل شول او يو ملکي موټر يې چې اکثريت يې ځوانان و، الوزولي و.
د پکتیکا د سروضې ولسوالۍ د سلطانو په سیمه کې د ملکیانو پر موټر په دغه چاودنه کې د یوې کورنۍ د څلور غړو په ګډون اوه کسان وژل شوي و.
په دغه پېښه کې ټول وژل شوي نارینه و.
د تېرې شنبې په ورځ نهه تنه د ښوونځي ماشومان په تخار کې په ماين الوزولي‌ و. يوولس تنه يې هم په بغلان کې د سړک غاړې ماين باندې زخميان و.
د تخار ولایت د درقد ولسوالۍ د ابو ذر غفاري ښوونځي سر ښوونکي په دغه پېښه کې د نهه زده کوونکو وژل تائید کړي و، ده ویلي و چې زده کوونکي ښوونځي ته پر لاره و چې د وسله والو طالبانو لخوا د ځای پر ځای شوي ماین چاودنه پرې وکړه او د ښوونځي نهه ماشومان زده کوونکي یې ووژل.
د وژل شویو ماشومانو عمرونه د ۷ او ۱۰ کلونو ترمنځ ښودل شوي و.
سی شنبه ۱۴ عقرب ۱۳۹۸ ساعت ۱۲:۲۵
د مطلب کود: 194794 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *