خوښ ديک ۰

په پاکستان کې د حکومت او مخالفو ګوندونو ترمنځه مذاکرات بې نتیجې پایته ورسیدل

په پاکستان کې د روانو مظاهرو د پایته رسولو په خاطر د حکومت او مخالفو ګوندونو د ائتلاف ترمنځه مذاکرات د لومړي وزیر عمران خان د استعفا په مسئله کې د اختلاف له امله کومې نتیجې ته ورسیدل.
په پاکستان کې د حکومت او مخالفو ګوندونو ترمنځه مذاکرات بې نتیجې پایته ورسیدل
پدې مذاکراتو کې د حکومت په استازیتوب ګډون کوونکي  د دفاع وزیر  پرویز خټک  ویلي دي چې حکومت  د مخالف ائتلاف  د لومړي وزیر عمران خان د استعفا نه پرته نورې ټولې غوښتې  مثبتې  بللي دي.
همداشان  پدې مذاکراتو کې د مخالفو ګوندونو د ائتلاف  د هئیت  ویاند  اکرم خان دراني  بیا ویلي دي ددوې یواځنۍ  غوښته  د عمران خان استعفا کول  او له سره  ټاکنې ترسره کول دي.
د ویلو ده چې  په پاکستان کې  د  مولانا فضل الرحمان  په مشرۍ د جمعیت علماء اسلام  ګوند چې د مسلم لیګ نواز  او پيپلز پارټۍ  پوره ملاتړ تر شا لري  د اکتوبر په ۲۸ مه نيټه  د کراچۍ د ښار نه  د پلازمینې اسلام آباد پر لورې د ازادۍ  لاریون پيل کړ. پدې لاریون  او د حکومت ضد په مظاهرو کې  د جمعیت علماء اسلام  د ګوند  نه پرته  د مسلم لیګ نواز او پیپلز پارټۍ  ګوندونو  هم  ګډون کړی دی. نوموړي  د نوامبر په لومړۍ نیټه پلازمینې  اسلام آباد ته ورسیدل.
د پاکستان د حکومت مخالف ګوندونه  د تیر کال په ټولټاکنو کې چې  د عمران خان په مشرۍ تحریک انصاف  ګوند بری ترلاسه کړ  د درغلیو د ترسره کیدو ادعا کوي.
نوموړي  د لومړي وزیر  عمران خان  د استعفا  کولو او له سره د ټولټاکنو د ترسره کیدو غوښتنه کوي.
همداشان نوموړي ادعا کوي چې  د عمران خان ګوند د پوځ  لخوا  واک ته رسول شوی دی. په ټاکنو کې  پراخه درغلۍ  شوي دي.
مخالف ګوندونه  د عمران خان حکومت په ځانګړې توګه په اقتصادي برخو کې او سیاستونو کې ډیر ناکام  بولي .
چهارشنبه ۱۵ عقرب ۱۳۹۸ ساعت ۱۵:۱۱
د مطلب کود: 194938 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *