کد QR مطلبدریافت صفحه با کد QR

افغان ځواکونو د ښځو په جامو او څادرۍ کې ۴ داعشیان نیولي

16 عقرب 1398 ساعت 11:06


افغان ځواکونو د ښځو په څادرۍ او جامو کې څلور داعشیان نیولي چې هڅه یې کوله له ننګرهار څخه وتښتي.
د ننګرهار د والي له دفتره په خپره شوې خبرپاڼه کې چې تاند ته هم رسېدلې ده، راغلي چې افغان ځواکونو دغه ۴ داعشیان په اچین ولسوالۍ کې نیولي دي.
داعش ډلې لا تر اوسه په دې اړه څه نه دي ویلي، خو اچین هغه سیمه ده چې له تېرې یوې نیمې میاشتې راهیسې په کې د داعش ډلې پر ضد ځپونکي عملیات روان دي.
دا ځای څه موده وړاندې د داعش ډلې د خراسان څانګې مرکز و او دوه کاله وړاندې په کې د امریکايي ځواکونو له لوري د بمونو مور هم وکارول شوه.


د مطلب کود: 194996

دمطلب پته :
https://www.avapress.com/ps/news/194996/افغان-ځواکونو-د-ښځو-په-جامو-او-څادرۍ-کې-۴-داعشیان-نیولي

آوا
  https://www.avapress.com