لوګر کې د پکتيا د استناف محکمې څلور قاضيان وژل شوي

16 عقرب 1398 ساعت 16:18


په لوګر ولايت کې د پکتيا استيناف محکمې څلور قاضيان په وسله وال بريد کې وژل شوي دي.
د لوګر د ولایتي شورا مشر حسيب ستانکزي رسنيو ته وويل چې نن ماسپښين د لوګر محمد اغې ولسوالۍ باقي اباد سيمه کې د پکتيا استيناف محکمې څلور قاضيان په وسله وال بريد کې ووژل.
هغه وويل چې د پکتيا د استيناف محکمې څلور قاضيان په يو کرولا ډوله موټر کې له پکتيا څخه کابل ته په لاره وو چې د نامعلومو وسله والو په برید کې ووژل شول.
په وژل شويو قاضيانو کې قاضي نورالله قرباني، قاضی ایمل، قاضي زين الله اوقاضي عبدالقدیر فیضي شامل دي.
تر اوسه د يادو قاضيانو د وژلو مسووليت چا په غاړه نه دی اخيستی.


د مطلب کود: 195044

دمطلب پته: https://www.avapress.com/ps/news/195044/لوګر-کې-د-پکتيا-استناف-محکمې-څلور-قاضيان-وژل-شوي

آوا
  https://www.avapress.com