«سلام وطندار» ورځپاڼې  د خپلو سرچینو په مټ د ګډ حکومت د اجراییه رییس «عبدالله عبدالله» د احتمالي کابینې نوملړ ترلاسه کړی.
دغه نوملړ، چې د ورځپاڼې په باور عبدالله ته له نږدې سرچینې ترلاسه شوی، د بېلابېلو وزارتونو لپاره د وزیرانو، والیانو او یو شمېر ریاستونو ته د احتمالي نومول شویو کسانو نومونه پکې ترسترګو کېږي.
عبدالله عبدالله چې په تېرو ولسمشریزو ټاکنو کې له مخکښو نوماندانو څخه وو، په بیا، بیا ادعا کړې، چې ټیم یې په غوڅ اکثریت سره ټاکنې ګټلې او تر نورو مخکې دی.