کد QR مطلبدریافت صفحه با کد QR

په لوګر ولایت کې ناحرګندو کسانو يو جومات سوځولی

د صدای افغان خبری آژانس(آوا) , 16 عقرب 1398 ساعت 17:33

سیمه ییزو چارواکو ویلي، چې د لوګر ولايت په بره کي برک ولسوالۍ کې نامعلومو کسانو يو جومات سوځولی دی.



د لوګر ولایتي شورا رییس حسیب ستانکزي آریانانیوز ته څرګنده کړې، چې تېره شپه د بره کي برک ولسوالۍ په قاضي قلعه سیمه کې ناڅرګندو کسانو د کلي جومات سوځولی دی.
ستانکزی زیاته کړې، چې د جومات یوه برخه ویجاړه شوې او د قرآن کریم نسخې هم په کې سوځول شوې دی.
تر اوسه د لوګر امنيتي چارواکو په دې اړه څه نه دي ويلي.
تېر کال په همدې ورځو کې هم په بره کي برک ولسوالۍ کې ناڅرګنده کسانو یو ښوونځی هم سوځولی و.
د يادونې وړ ده، چې ډېر وخت په افغانستان کې ښوونځي او جوماتونه د نامعلومو کسانو له لوري سوځول کيږي؛ خو دولتي چارواکي يې د عاملينو په پيداکولو کې پاتې راغلي دي.
 


د مطلب کود: 195058

دمطلب پته :
https://www.avapress.com/ps/news/195058/په-لوګر-ولایت-کې-ناحرګندو-کسانو-يو-جومات-سوځولی

آوا
  https://www.avapress.com