اردوغان : اروپايي ټولنه باید د څو غړیو د شخصي مسئلو په خاطر د ترکیې سره خپلې اړیکي قرباني نکړي

د ترکیه ولسمشر رچب طیب اردوغان دا څرګندونې هنګري ته د خپل رسمي سفر په ترڅ کې د نوموړي هیواد د لومړي وزیر ویکتور اوربان سره  په ګډه خبري غونډه کې وکړې.
اردوغان وویل چې  په اورپايي ټولنه کې د غړیتوب  په برخه کې  د ترکیې نه د هنګري مرسته او ملاتړ  په واقعیت چې  د قدر وړ  دی.
هغه وویل " په حقیقت سره  چې د ښاغلي لومړي وزیر اوربان نه  پدې مسئله کې  د قوي ملاتړ له امله  منندوی  یم. په خاصه توګه غواړم  ددې خبرې نه یادونه وکړم.
پدې وروستیو کې  د ترکیې په اړه د اروپايي ټولنې  دریځ  او چلند  پرته د شکه چې  د پر ځای او یو ساختاري  دریځ او چلند نه ډیر لرې  دی. په اروپايي ټولنه کې د یو څو غړیو د شخصي مسئلو له امله  باید د ترکیې سره اړیکې قرباني نشي. ټولنه د خپل موجود دریځ او چلند سره  په اصل کې خپلو منافعو ته ډیر زیان  رسوي. ټولنه باید هغه ارزښتونه او ګټه  چې د ترکیې د غړیتوب سره  يي ترلاسه کوي  هغه باید په حقیقي ډول  وویني. هغه باید درک کړي. "
ولسمشر اردوغان ددې خبرې په ټینګار وویل چې  د بعضو هیوادونو مشران چې زمونږ ستراتیژیک شریکان  دی د ترهګرو سازمانونو د مشرانو سره  لیدنې کتنې او د هغوې سره همغږي  په واقعیت سره چې د خواشینۍ  خبره ده.
” د ترهګرۍ او ترهګرو ترمنځه توپیر، زما  ترهګر ښه دی او ستا خراب دی داسې یو منطق  د ترهګرۍ پر وړانډې مبارزې ته  ستر زیان  او ضربه رسوي. که چیرې مونږ د ترهګرۍ پر وړاندې مبارزه کوو  باید د ټولو ترهګرو پر خلاف يي وکړو. “
ولسمشر اردوغان وویل چې غواړم  چې د ویشیګارد د څلور ګونو سره  اړیکو ته لا وده وکړو.
همداشان ولسمشر اردوغان  د هنګري د لومړي وزیر اوربان نه  په سوریه کې د ترکیې د سولې چینې عملیاتو نه د قوي ملاتړ کولو له امله هم  ډیره زیاته مننه وکړه.
د ویشیګارد څلور ګوني  د مرکزي اروپا د څلورو هیوادونو  چک جمهوریت، هنګري، پولنډ او سلواکیا  نه  جوړ  یو سیمه ایزو شراکت  ډلې  نوم  دی. ددې ډلې هدف په خپلو منځونو کې  عسکري، اقتصادي  او د انرژۍ په برخو کې  همکاري کول دي. دې ډلې  خپل نوم د ویشیګارد  د ښار نه اخیستی دی.