کد QR مطلبدریافت صفحه با کد QR

پوهنې وزارت د نصاب د تدوین ۴ ورځنۍ مشورتي جرګه راغواړي

18 عقرب 1398 ساعت 16:05


دپوهنې وزارت وايي، د ښوونیز نصاب د اصلاح لپاره د عقرب په ۲۰مه نېټه یوه لویه څلور ورځنۍ مشورتي ناسته رابولي.

وزارت په یوه اعلامیه کې ویلي، دا مشورتي ناسته به د عقرب له ۲۰مې تر ۲۳مې نېټې پورې په کابل کې له ۳۰۰ متخصصینو، دولتي استازو، د بوهنتون د استادانو، علماو، وکیلانو او د زده کوونکو له والدینو سره روانه وي.

د پوهنې وزارت ویانده نوریه نزهت تاند ته وايي، له ناستې رابللو څخه یې د وزارت هدف دا دی چې معارف ولسي شي او د خلکو نظریاتو ته د نصاب په تدوین او جوړولو کې خاصه توجه وشي.
دا په داسې حال کې ده چې یاد وزارت څه موده وړاندې د اسانتیاو په خاطر د لیسې دورې د زده کوونکو لپاره د رشته بندۍ په سیسټم هم غور پیل کړی و.
دغه وزارت له ۱۳۹۸ څخه تر ۱۴۰۹ پورې کلونه د افغانستان د پوهنې د لسیزې په توګه نومولي دي.


د مطلب کود: 195173

دمطلب پته :
https://www.avapress.com/ps/news/195173/پوهنې-وزارت-د-نصاب-تدوین-۴-ورځنۍ-مشورتي-جرګه-راغواړي

آوا
  https://www.avapress.com