خوښ ديک ۰

مشرانو جرګې د ولسمشریزو انتخاباتو د لومړنیو پایلو د ژر اعلان غوښتنه وکړه

د مشرانو جرګې غړي وايي چې د سولې د خبرو بیا پیل د انتخاباتو د پایلو پر اعلان پورې تړلی دی، کمېسیون باید په ټاکلي وخت پایلې اعلان کړي
مشرانو جرګې د ولسمشریزو انتخاباتو د لومړنیو پایلو د ژر اعلان غوښتنه وکړه

 د مشرانو جرګې غړي وايي چې د ولسمشرۍ د انتخاباتو لومړنۍ پايلې بايد پر خپل وخت اعلان شي؛ ځکه چې د سولې خبرو لپاره بايد منتخب او پياوړی حکومت شتون ولري.
ټاکل شوې د تلې د شپږمې د ولسمشرۍ د انتخاباتو لومړنۍ پايلې د لړم په ۲۳مه او وروستۍ پايلۍ يې د لیندۍ په ۱۶مه اعلان شي.
مشرانو جرګې غړي انارکلي هنریار وايي، د سولې خبرې د انتخاباتو د پایلو له اعلان سره تړاو لري، اړينه ده چې د انتخاباتو پايلې پر خپل وخت اعلان شي څو د سولې خبرې د يو منتخب او پياوړي حکومت له خوا پر مخ يووړل شي.
د مشرانو جرګې بل غړي لطف الله بابا هم د انتخاباتو له خپلواک کمېسيونه وغوښتل چې د انتخاباتو پایلې پر خپل وخت اعلان کړي؛ ځکه چې له امله یې د سولې خبرې په ټپه ولاړې دي.
د مشرانو جرګې مشر فضل هادي مسلميار هم د انتخاباتو له کمېسيونه غوښتنه وکړه چې د انتخاباتو پايلې پر خپل وخت اعلان کړي.
دوشنبه ۲۰ عقرب ۱۳۹۸ ساعت ۱۱:۲۱
د مطلب کود: 195317 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *