خوښ ديک ۰

په کابل کې د امریکا سفیر د ۳ طالب زندانیانو له خوشې کېدو ملاتړ وکړ

کابل کې د امریکا سفیر جان بس له خبریالانو سره په خبرو کې وویل، د ولسمشر غني له دې اقدامه ملاتړ کوي او هیله لري چې دغه کار به دې دې لامل شي څو طالبان هم ګامونه پورته کړي.
په کابل کې د امریکا سفیر د ۳ طالب زندانیانو له خوشې کېدو ملاتړ وکړ

ښاغلي بس ووویل: "د امریکا متحده ایالتونه د دریو طالبان بندیانو د خوشې کولو لپاره د ولسمشر غني دغه زړو تصمیم د یو انساني حرکت په توګه ترې ملاتړ کوي، دغه کار به د اوسنۍ جګړې د وضعیت پای سره مرسته وکړه. "
هغه زیاتوي، دا وروستی زړور اقدام دی چې ولسمشر او د افغانستان حکومت یې د افغانانو د سولې غوښتنې د ترلاسه کېدو په هدف ترسره کوي.
بس زیاتوي، هیله لري څو طالبان دغه اقدام"خپل انساني اقداماتو" په توګه د یو شمېر افغان ځواکونو او د غربي برمته شویو په خوشې کولو ځواب کړي.
له دې مخکې افغان ولسمشر محمد اشرف غني وویل، پرېکړه یې کړې څو انس حقاني او د طالبانو د ډلې دوه نور مهم غړي په مشروط ډول له باګرام زندانه خوشې کړي.
ولسمشر نن د سې شنبې په ورځ د (عقرب ۲۱مه) کابل کې خبري غونډې ته وویل، دغه پرېکړه یې له نړیوالو شریکانو او په ځانګړې توګه له امریکا سره په مشوره د سولې او ثبات د مخامخ مذاکراتو لپاره د رسېدو په هدف کړې ده.
هغه زیاته کړه: "حاجي مالي خان د والي خان زوی، عبدالرشید د محمد زوی او انس د جلال الدین زوی چې په باګرام زندان کې بندیان دي، په مشروط ډول خوشې کوو."
افغان ولسمشر ټینګار وکړ، د حقاني شبکې د دریو مهمو غړو خوشې کېدل هغه څه چې ده ورته د دښمن خطاب وکړ د بریدو د زیاتوالي لامل نشي.
ولسمشر غني زیاته کړه، د امریکايي پوهنتون د دوو برمته شویو استادانو روغتیايي وضعیت نازک و او له طالبانو سره د غیر مستقیمو خبرو کې د دغو استادانو خوشې کېدل اساسي غوښتنه وه.
که څه هم ولسمشر غني په مستقیمه توګه اشاره ونه کړه، خو ویې ویل چې طالبان به د امریکايي پوهنتون دوه استادان هم خوشې کړي.
طالبانو دوه امریکايي استادان، ۶۰ کلن کيون کېنګ او ۴۸ کلن تيموتي وېکس په ۲۰۱۶ کال کې له کابله وتښتول.
 
سی شنبه ۲۱ عقرب ۱۳۹۸ ساعت ۱۴:۳۱
د مطلب کود: 195470 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *