خوښ ديک ۰

په بغلان کې د یوې ترافیکي پيښې له کبله ۱۷ کسانو ژوند له لاسه ورکړی

سیمه ییزو چارواکو ویلي، چې دا پېښه په خوست ولسوالۍ کې د یوه فلانکوچ موتر د چپه کیدو له کبله رامنځته شوې ده.
په بغلان کې د یوې ترافیکي پيښې له کبله ۱۷ کسانو ژوند له لاسه ورکړی

د خوست ولسوال لطف الله عاطفي څرګنده کړې، چې په دې پېښه کې ۱۷ کسانو ژوند له لاسه ورکړی او پېنځه نور ټپیان دي.
نوموړي زیاته کړې، چې دا کسان پلخمري ښار ته یوه واده ته روان ول، چې په پلفي کوتل کې یې لیږدونکی موتر چپه شو.
هغه دا هم په ډاګه کړې، چې په مړو کې اته نرینه، پېنځه ښځې او څلور ماشومان دي.
پلفي کوتل یا( پیل پښه) د خوست ولسوالۍ یوه ناپخه او سخته لار ده، چې د دې ولسوالۍ خلک د بغلان ولایت د فرنګ او ګذرګاه نور له ولسوالیو او مرکز سره نښلوي.
 
سرچينه : د صدای افغان خبری آژانس(آوا)
سی شنبه ۲۱ عقرب ۱۳۹۸ ساعت ۱۸:۴۰
د مطلب کود: 195490 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *