ننګرهار کې د کاسا زر پروژې په مسير کې د ماينونو موندلو او لمنځه وړلو چارې پيل شوې.

د برېښنا شرکت مسئولينو د معلوماتو له مخې د دې پروسې په ترڅ کې به د ټولو ټاورونو ځمکه وپلټل شي، تر څو د ماينونو د موجوديت په صورت کې ماينونه له منځه يوړل شي او په آينده کې د کار په جريان کې کومه بده پېښه رامنځته نشي.
د يادونې وړ ده، چې د ځينو پلټل شوو ټاورونو په ځمکه کې ماينونه هم پېدا شوي دي او په مصؤن ډول لمنځه وړل شوي دي.
د ماينونو پيدا کولو او لمنځه وړلو چاره به په کامې، ګوشتې، لعلپورې او مومندرې ولسواليو کې هم تر سره شي.