خوښ ديک ۰

ننګرهار کې ۱۰داعشیان له خپلو کورنیو سره افغان پوځ ته تسلیم شوي ـ دفاع وزارت

د افغانستان دفاع وزارت وايي، په ننګرهار کې د داعش وسله والې ډلې لس تنه غړي د خپلو کورنیو له څه باندې سلو تنو غړو سره افغان سرتېرو ته تسلیم شول.
ننګرهار کې ۱۰داعشیان له خپلو کورنیو سره افغان پوځ ته تسلیم شوي ـ دفاع وزارت

دفاع وزارت وايي، چې په تسلیم شوو کسانو کې، لس نارینه، ۴۶ ښځې او ۶۵ ماشومان شامل دي.
د دفاع وزارت د ویاند مرستیال فواد امان د چهارشنبې په ورځ د نومبر پر۱۳مه «لړم۲۲مه» امریکا غږ ته وویل، چې یاد کسان تېره شپه د ننګرهار ولایت په اچین ولسوالۍ کې افغان سر تېرو ته تسلیم شوله.
هغه وویل:" له تېرو ۴۵ ورځو راپدېخوا، افغان سرتېرو په اچین ولسوالۍ کې د داعش پر ضد عملیات پراخ کړي دي، د داعش وسله والې ډلې پر ضد نظامي فشارونه زیات شوي دي، چې نن ورځ دوی د «داعش غړو» بېله تسلمېدو بله لار نه لرله."
ښاغلي امان زیاته کړه، چې له تېرو دوو اونیو راپدېخوا په ننګرهار د داعش ډلې سلګونه غړي چې ښځې او ماشومان هم پکې شامل دي افغان سرتېرو ته تسلیم شوي دي.
هغه وویل، چې افغان سرتېرو د یادو عملیاتو پر مهال تېره شپه د داعش ډلې له زندان څخه څلور ملکي وګړي هم ازاد کړي دي.
دا په داسې حال کې ده، چې دفاع وزارت تېره ورځ هم په اچین ولسوالۍ کې د ښځو او ماشومانو په ګډون د داعش ډلې د ۴۵ غړو د تسلمېدو خبر ورکړ.
د افغانستان د دفاع وزارت د ویاند مرستیال وویل، چې داعش ډله په ننګرهار کې له «ورکېدو» سر مخ ده.
دا په داسې حال کې ده، چې د افغانستان د کورنیو چارو وزیر مسعود اندرابي د لړم میاشتې پر ۱۹مه ننګرهار ولایت ته د سفر پر مهال هم ویلي و، داعش ډله په دغه ولایت کې په بشپړه توګه له منځه وړل شوې ده.
د یادونې وړ ده، چې د روانې لړم میاشتې پر ۲مه هم په ننګرهار کې د یو شمېر بهرنیانو په ګډون د داعش ډلې ۱۸ غړي له مېرمنو او ماشومانو سره یو ځای حکومت ته تسلیم شول.
 
چهارشنبه ۲۲ عقرب ۱۳۹۸ ساعت ۱۶:۵۰
د مطلب کود: 195543 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *