خوښ ديک ۰

کرکټ: افغانستان او ویسټ انډیز نن ۲۰ اووریزه لوبه کوي

د افغانستان د کرکټ ملي لوبډله به نن د نومبر په ۱۴مه، له ویسټ انډیز سره د درېیو شل اوره سیالیو لړۍ پیل کړي.
کرکټ: افغانستان او ویسټ انډیز نن ۲۰ اووریزه لوبه کوي
دا سیالۍ د هند په لکهنوو ښار کې کېږي.
افغانستان او ویسټ انډیز تردې وړاندې درې یو ورځنۍ (پنځوس اووره) سیالۍ درلودې چې د نومبر په ۶مه پيل شوې، خو افغانستان درې واړه لوبې وبایللې.
د افغانستان د لوبډلې د غوراوي پلاوي مشر انډي مولز د اکټوبر په ۲۶مه اسوشېټډ پرس ته ویلي و چې د نړیوال جام په سیالیو کې تر سختې ماتې وروسته، په هند کې دا سیالۍ افغانستان ته ډېرې مهمې دي.
د شل اوره مسابقو دوهمه لوبه به د نومبر په ۱۶مه او درېیمه به یې د نومبر په ۱۷مه وي.
ورپسې دواړه لوبډلې یوه ټېسټ لوبه هم لري.
انډي مولز ویلي و چې د ټسټ مېچ لوبغاړي او نېټه به د شل اوره سیالیو په پای کې اعلان کړي.
 
سرچينه : د صدای افغان خبری آژانس(آوا)
پنجشنبه ۲۳ عقرب ۱۳۹۸ ساعت ۱۱:۲۲
د مطلب کود: 195593 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *