طالبانو په جوزجان کې لس ملکي وګړي سوځولي- د والي ویاند

د صدای افغان خبری آژانس(آوا) , 25 عقرب 1398 ساعت 10:36

د جوزجان والي ویاند ویلي، چې طالبانو په جوزجان کې لس ملکي وګړي سوځولي دي.


د جوزجان والي ویاند عبدالمعروف آذر ویلي، چې طالبانو تېره شپه د دې ولایت د درزآب ولسوالۍ د اړوند سیمې لس ملکي وګړي په خپلو دکانونو کې سوځولي دي.
د ښاغلي آذر د څرګندونو له مخې؛ دغه ملکي وګړي د طالبانو له وېرې، چې دکانونه یې د طالبانو اړوند کسان لوټ نکړي؛ په خپلو دکانونو کې یې شپې تېرولې.
نوموړي زیاته کړې، چې دغه ملکي وګړي د درملنې لپاره د شبرغان روغتون ته لیږدول شوي دي.
هغه په پېښه کې د وژل شویو کسانو په اړه څه ندي ویلي.
طالبانو تر دې دمه دا پېښه نه منلې او نه یې په اړه څه ویلي دي.
 


د مطلب کود: 195706

دمطلب پته: https://www.avapress.com/ps/news/195706/طالبانو-په-جوزجان-کې-لس-ملکي-وګړي-سوځولي-د-والي-ویاند

آوا
  https://www.avapress.com