د دایکندی ناوه میش ولسوالی سرمه سنګ او کاریزک امنیتی پوستو باندی د طالبانو برید په ترڅ کې ۲ تنه امنیتی ځواکونه شهید شوی او ۸ مهاجمان وژل شوی دی.

آوا خبرګزاری-دایکندی، سیمه ییز چارواکې وایی: دا برید د تیر ماښام ۱۲ بجو څخه شروع شوی او نن سهار ۳ بجو پوری ادامه درلود.
د دایکندی ولایت امنیتی منسوبینو په وینا، په دا نښته کې ۸ تنه طالبان وژل شوی دی.
سکینه احسانی، د دایکندی والی ویانده سیمه ییز خبرنګارانو ته ویلی ده، اوس وضعیت په ناوه میش کې عادی حالت ته اوښتی دی.
د طالبانو دا برید په داسی حال کې صورت نیسی چی ددی اونۍ په جریان کې، طالبانو ډیر بریدونه کجران ولسوالی باندی ترسره کړ چی په هغه کې ۸ تنه امنیتی سرتیری شهید او پنځه نور ټپیان شول.
د دایکندی ولایت ناوه میش ولسوالی د هلمند ولایت سره مشترک مرز درلودلو له امله، ددی ولایت ناامنو ولسوالیو څخه دی.