خوښ ديک ۰

حکمتیار: د رڼو ټاکنو ترسره کیدو لپاره باید لنډمهاله حکومت جوړ شي

د اسلامی حزب مشر، ګلبدین حکمتیار وایي د دې لپاره چې رڼې ټاکنې ترسره شي، د موقت حکومت جوړېدو ته اړتیا ده.
حکمتیار: د رڼو ټاکنو ترسره کیدو لپاره باید لنډمهاله حکومت جوړ شي

ښاغلي حکمتیار نن یکشنبې په یوه خبري غونډه کې د خبرو پر مهال همداشان وویل چې حاکم ټیم په ټاکنو کې مداخله کوي، نو ښه به داوي چې د رڼو ټاکنو ترسره کیدو لپاره یولنډمهاله حکومت جوړ شي.
حکمتیار داسې مهال دغه څرګندونې کوي چې د ټاکنو خپلواک کمیسیون د دوو میاشتو په تېرېدو لا هم د لومړنیو پایلو په اعلان نه دی بریالی شوی.
پر ټاکنو څارونکي بنسټونه، مدني فعالان، سیاسي ګوندونه او ولسي جرګې هم په ځلونو د ټاکنو د پایلو پر ځنډېدو اندېښنه ښودلې او د ټاکنو له خپلواک کمیسیون یې غوښتي چې ژر تر ژره دې لومړنۍ پایلې اعلان کړي.
خو کمیسیون وایي چې دوی قوانینو ته په کتو خپلې چارې تنظیموي او ډېر ژر به د لومړنیو پایلو د اعلان په اړه پرېکړه وکړي.
 
سرچينه : د صدای افغان خبری آژانس(آوا)
یکشنبه ۱۰ قوس ۱۳۹۸ ساعت ۱۵:۴۳
د مطلب کود: 196882 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *