په لندن کې د ناټو په غونډه کې د دغه سازمان مشرانو یو وار بیا له افغانستان سره د خپلو مرستو او همکاریو پر دوام ټېنګار کړی دی.
دخپریدو نیټه :پنجشنبه ۱۴ قوس ۱۳۹۸ ساعت ۱۱:۰۱
د مطلب کود : 197250
د ناټو عمومي منشي ینس ستولتنبرګ د چهارشنبې په ورځ (دسمبر۴) خبریالانو سره په خبرو کې د افغانستان د روانې جګړې په سوله ایز حل ټېنګار وکړ.
ښاغلي ستولتنبرګ وویل: "موږ افغانستان سره د خپلو مرستو دوام ته ژمن یو، موږ په دې باور یو چې د افغانستان د سولې د هڅو د ننګې/ملاتړ تر ټولو ښه او غوره لار د افغان ځواکونو روزل، له هغوی سره مرسته او سلا مشورې ورکول دي چې طالبان پوه شي هېڅکله د جګړې په ډګر کې نشي بریالي کېدی."
ښاغلي ستولتنبرګ همدغه راز له طالبانو سره د سولې د خبرو د بیا پیلولو لپاره د روانو هلو ځلو ننګه وکړه او ويې ویل: "ناټو د مذاکراتو ننګه کوي او موږ د یو سیاسي جوړ جاړي له لارې حل ته اړتیا لرو. د امریکا متحده ایالتونه د دغې پروسې په اړه د ناټو له ټولو ایتلافیانو او ملګرو سره له نژدې غږېدلي دي. "
نوموړی داسې مهال دا خبرې کوي چې زلمي خلیلزاد همدا نن په کابل کې له ولسمشر غني سره لیدلي دي او ارګ وایي چې ښاغلي غني خلیلزاد ته ویلي
دي چې له طالبانو سره په خبرو کې باید اوربند او له افغانستان څخه د باندې د هغوی د پټنځایونو مسئله جدي ونیول شي.
سرچينه : صدای امریکا
avapress.com/vdcjiaevyuqeh8z.b,fu.html
ډیری لیدل شوي
مربوطه لیکنې
[۱۳ سنبله ۱۳۹۸] 
[۴ قوس ۱۳۹۶] 
[۲۰ میزان ۱۳۹۸] 
[۲۶ حوت ۱۳۹۴] 
[۲۴ جوزا ۱۳۹۷] 
