د ملي امنیت سلاکار حمد الله محب په کابل کې د جرمني له سفیر پیتر پروګل سره د ټاکنو او سولې پر پروسې خبري کړي دي .
د ملي امنیت شورا ویاند کبیر حقمل وایي محب د جرمنې له سفیر څخه مننه کړې چې د افغانو په مشرۍ او مالکیت یې د سولې په پروسه کې له افغان حکومت سره مرسته کړې ده .
د جرمني سفیر هم ژمنه کړې چې د سولې په برخه کې به له افغانستان سره خپلې مرستې روانې وساتي .
یاده  لیدنه کتنه یوه ورځ وروسته تر دې کیږي چې په کابل کې د جرمني دفاع وزیرې له ولسمشر غني سره وکتل.