د خیبر پښتونخوا په بنو سیمه کې نامعلومه وسله والو د پولیو په یوه ښځینه ماموره برید کړی چې پکې یاده ماموره او یو بل تن وژل شوي دي.
دنهې په ورځ دسیمې څخه امنیتي سرچینو د امریکا غږ ډیوه ته په خپلو خبرو کې ویلي چې دا پېښه د بسیه خېلو پولیسو تاڼې ته نزدې شوې چې وسله وال له ډزو وروسته له سیمې څخه تښتیدلي دي.
سرچینې وایي د پولیو د وژل شوې مامورې نوم بس تاج بي بي وه چې دبکاخیلو دکډوالو کیمپ کې یې دپولیو دناروغۍ په ضد خپله دنده ترسره کوله.